ჯენიფერი ტაივანელი ღიად ლესბოსელი ქალია, რომელმაც შეძლო საზოგადოებაში დამკვიდრებულ ჰომოფობიურ შეხედულებებს წინ დადგომოდა თავის შეყვარებულთან, სემთან ერთად და თავისი უფროსის დახმარებით გადაიხადა გრანდიოზული ქორწილი, რომელიც თავის ქვეყანაში ლეგალური ჯერაც არ არის.
ჯენიფერი ბანკ HSBC-ში მუშაობს. მას კომპანია დაეხმარა ოცნების ასრულებში.
საკუთარი სექსუალური ორიენტაციის გამხელის შემდეგ მშობლებმა ჯენიფერთან კონტაქტი გაწყვიტეს. ის თვლიდა რომ ვერც სამსახურში მოიპოვებდა თანამშრომლების კეთილგანწყობას, თუმცა მისმა უფროსმა მისი ცხოვრების სტილი და გადაწყვეტილება ქორწინების შესახებ დადებითად მიიღო და მეტიც, მამის ნაცვლად თავად მიაცილა „საკურთხევლამდე“.
ჯენიფერს და სემს ერთმანეთი უკვე 11 წელია უყვართ. წყვილს ამ წლების მანძილზე უამრავი დაბრკოლების გადალახვა მოუწია კონსერვატიულად მოაზროვნე საზოგადოებაში. მათ იმის საშუალებაც კი არ აქვთ იურიდიულად დაამტკიცონ საკუთარი ქორწინება. ბანკის თანამშრობლები და მათ შორის გენერალური დირექტორი ჯონ ლი ჩიუ გოგონებს გვერდში დაუდგადა და გადაუხადა სიმბოლური ქრწილი, რომელიც შეგიძლიათ იხილოთ ვიდეოში.
მიუხედავად იმისა, რომ მათი ქორწინება დაკანონებული არ არის და მხოლოდ სიმბოლურია, წყვილი მაინც ბედნიერია. კომპანია ვიდეოთი, რომელიც ბანკის ოფიციალურ ვებ-გვერდზე აიტვირთა ლგბტქ ადამიანებს მხარდაჭერას და თანადგომას უცხადებს.
დატოვე კომენტარი
Comments
0 comments
