სონი 4 ივნისს PlayStation 5-ს წარმოადგენს. ღონისძიება თბილისის დროით ღამის 12 საათზე დაიწყება.
ღონისძიების სტუმრები “PlayStation 5-ზე თამაშების მომავალს” იხილავენ. Sony Interactive Entertainment-ის გენერალური დირექტორის, ჯიმ რაიანის თქმით ღონისძიება “საათზე ცოტა მეტს” გაგრძელდება და პრეზენტაციის ფარგლებში სტუმრები “თამაშების პირველ შთაბეჭდილებას” იხილავენ.
მსხვილი და მცირე და მათ შორის შედარებით ახალგაზრდა კომპანიებმა ბევრი იშრომეს იმისთვის, რომ სრულად აეთვისებინათ ახალი სათამაშო კონსოლის აპარატული პოტენციალი”, – აცხადებს ჯიმ რაიანი.
განახლება
PS5-მა მოდიფიცირებული 8 ბირთვიანი AMD Zen 2 პროცესორი მიიღო, რომლის ტაქტური სიხშირე 3.5 გჰც-ს შეადგენს. გრაფიკულ პროცესორის ადგილს კი, AMD RDNA 2-ის ბაზაზე შექმნილი ვიდეობარათი დაიკავებს, რომლის სიმძლავრეც 10.28 ტერაფლოპს აღწევს.
PlayStation 5-ის ყველაზე მნიშვნელოვანი ცვლილება კი მის დაპატენტებულ 825 გბ-იან SSD-ს უკავშირდება, რომლის წარმადობა 5.5 გბ/წმ შეადგენს.
Loading…