საქართველოს ბანკის სტუდენტური დასაქმების ხელშეწყობის პროგრამა  წელსაც გრძელდება. „ლიდერატორის“ მიზანია, კარიერული განვითარების საწყის ეტაპზე მყოფი საუკეთესო ტალანტების მოზიდვა და მათ შემდგომ განვითარებაზე ზრუნვა.

საქართველოს ბანკის განცხადებით, ახალგაზრდა ლიდერების მომზადება ერთ-ერთი უმნიშვნელოვანესი პრიორიტეტია.

2021 წელს საუკეთესო სტუდენტებისა და კურსდამთავრებულებისათვის  12 პროგრამაზე გამოცხადდა მიღება, რომლებიც ჯამში ბანკის მასშტაბით 40-მდე სხვადასხვა მიმართულებას მოიცავს.

„ლიდერატორი“ სტუდენტებს აძლევს შესაძლებლობას, იპოვონ საკუთარ ინტერესებზე მორგებული სტუდენტური პროგრამები, მიიღონ სამუშაო გამოცდილება და  დასაქმდნენ საქართველოს ბანკში.

ლიდერატორში მონაწილეობის უპირატესობები:

• 1 წლიანი მრავალფეროვანი, როტაციული სამუშაო გამოცდილება ბანკის სხვადასხვა მიმართულებაში, სხვადასხვა პოზიციაზე, რომლის საშუალებითაც შეძლებ ბანკის ფუნქციონირების 360°-იანი სურათის დანახვას.
• პროფესიონალთა გუნდთან მუშაობის შესაძლებლობა და მენეჯერული პოზიციის მენტორი, რომელიც იზრუნებს შენს კარიერულ განვითარებაზე.
• საჭიროებებზე მორგებული, ინტენსიური ტრენინგები.
• ანაზღაურება და სწავლაზე მორგებული სამუშაო გრაფიკი.
• პროგრამის წარმატებით დასრულების შემთხვევაში, საქართველოს ბანკში კარიერის გაგრძელების შესაძლებლობა.

ახალგაზრდა ტალანტების პროგრამები ბანკში 2014 წლიდან არსებობს და, შედეგად, 154 საუკეთესო მონაწილე გახდა საქართველოს ბანკის თანამშრომელი.  

დამატებითი ინფორმაციისთვის ეწვიეთ ბმულს.