თუ შენი კარიერა ინგლისურენოვან ქვეყანაში გინდა გააგრძელო ან, სულაც, თავიდან დაიწყო, აუცილებლად მოგიწევს IELTS-ის ან TOEFL-ის სერტიფიკატის წარდგენა. მიუხედავად იმისა, რომ ორივე მათგანი სტანდარტული ტესტია, რომელიც ინგლისური ენის ცოდნის დონეს განსაზღვრავს, წაკითხულის გააზრების, წერის, საუბრისა და მოსმენის უნარებით, განსხვავებულია ტესტების ფორმატი, შეფასებები და სხვა.
წარმოგიდგენთ სწორედ ამ განსხვავებების ჩამონათვალს:
ძირითადი განსხვავებები:
- TOEFL (Test of English as a Foreign Language) – ამერიკული ენის ტესტია;
- IELTS (International English Language Testing System) – ბრიტანული ენის ტესტია.
აქვე უნდა აღინიშნოს, რომ დღესდღეობით ამერიკული და ევროპული უნივერსიტეტები ორივე ტესტის შედეგებს დამაკმაყოფილებლად თვლიან; თუ IELTS ტესტის სერთიფიკატს ფლობთ, ეს ამერიკული უნივერსიტეტებისთვის არანაირი ხელის შემშლელი ფაქტორი არ არის.
- TOEFL – გამოცდა კომპიუტერთან ბარდება, ხანგრძლივობა 4 საათი;
- IELTS – გამოცდას ფურცელზე წერთ, ხანგრძლივობა 2 საათი და 45 წუთი.
TOEFL – ის ტესტი ერთი დღის განმავლობაში ბარდება, ხოლო IELTS-ის ტესტი დაახლოებით სამი საათი გრძელდება და გასაუბრება, შესაძლოა, იმ დღესვე ან მომდევნო დღეს ჩაინიშნოს.
- TOEFL – ის ტესტის ქულა 0-დან 120-მდე მერყეობს, საშუალო მინიმუმი – 78 ქულა;
- IELTS – ის ტესტის ქულა 0-დან 9-მდე მერყეობს, საშუალო მინიმუმი – 6.3 ქულა.
TOEFL
| სეგმენტი | კითხვების რაოდენობა | დრო |
| წაკითხულის გააზრება | 36-56 | 60-80 წთ |
| მოსმენა | 34-51 | 60-90 წთ |
| საუბარი | 6 დავალება | 20 წთ |
| წერა | 2 დავალება | 50 წთ |
IELTS
| სეგმენტი | კითხვების რაოდენობა | დრო |
| მოსმენა | 40 | 30 წთ |
| წაკითხულის გააზრება | 40 | 60 წთ |
| წერა | 2 დავალება | 60 წთ |
| საუბარი | 3 დავალება | 11-14 წთ |
მოამზადა მარიამ ტაბაღუამ
გაეცანი სიახლეებს – როგორ ვისწავლო საზღვარგარეთ დაფინანსებით
Loading…