საქართველოში ახალი მილიონერია! – ლატარიის კომპანიამ ჯეკპოტი გაათამაშა

საქართველოს ეროვნული ლატარიის კომპანია lotto.ge-მ მორიგი მილიონი გაათამაშა!

თბილისელმა 55 წლის პედაგოგმა – მარინა კობახიძემ ლოტო 6/42-ში 1 015 291 ლარის ოდენობის ჯეკპოტი მოიგო.

მოთამაშემ ლოტოს ბილეთი თბილისში, ყაზბეგის გამზირზე 2 ლარად შეიძინა და შემდეგი კომბინაცია შეავსო: 2, 14, 17, 20, 34, 38;

როგორც გახდა ცნობილი, ქალბატონი მარინა თბილისის სახელმწიფო უნივერსიტეტში ასწავლის და ხშირად მონაწილეობს ლოტოს გათამაშებებში.

საქართველოს ლატარიის კომპანია მოგებულ თანხას გამარჯვებულს უახლოეს მომავალში საზეიმო ვითარებაში გადასცემს.

დღემდე “ლოტო 6/42”-ში ოთხი ჯეკპოტი გათამაშდა და აქედან უკვე მეორედ, მოგებულმა თანხამ მილიონ ლარს გადააჭარბა.

“ლოტო 6/42”-ის ახალი ჯეკპოტი კი უკვე ნახევარ მილიონ ლარზე მეტია, და ის ყოველი გათამაშების წინ იზრდება, გათამაშება კი ტარდება სამშაბათსა და პარასკევს, TV ,,იმედის’’ პირდაპირ ეთერში, 20:55 საათზე.