„ვიზეარი“ საქართველოში ფრენებს განაახლებს

აეროპორტების გაერთიანების განცხადებით, „ვიზეარი“ საქართველოში ფრენებს ანახლებს.

საწყის ეტაპზე რეისები კვირაში ერთი სიხშირით შესრულდება. პამდემიის ვითარების გათვალისწინებით, სამომავლოდ სიხშირე გაიზრდება. მაისიდან კი, ავიაკომპანია ქუთაისიდან რეგულარული ფრენების განახლებას რიგისა და დორტმუნდის მიმართულებით დაიწყებს. ივნისიდან ეტაპობრივად განახლდება პირდაპირი ფრენები ევროპის დამატებით 13 მიმართულებით.

„გვახარებს ის ფაქტი, რომ რამდენიმე დღეში ქუთაისის გაფართოებულ აეროპორტში რეგულარულ ფრენებს Wizz Air განაახლებს. ცოტა ხნის წინ დაგვიდასტურა ჩვენმა ძირითადმა პარტნიორმა ავიაკომპანიამ მზადყოფნა საქართველოს მიმართულებით პირდაპირი რეგულარული ფრენების განახლების შესახებ. ჩვენის მხრივ, მგზავრებს ვპირდებით, რომ დახვდებათ ოთხჯერ უფრო გაფართოებული აეროპორტი, ახალი სერვისებითა და სიახლეებით, რომელიც ოპერირების განახლების პარალელურად აეროპორტში ეტაპობრივად დაინერგება“,

თამარ არჩუაძე – საქართველოს აეროპორტების გაერთიანების დირექტორი.

უცხო ქვეყნის მოქალაქეს საქართველოს საჰაერო საზღვრის კვეთა „პისიარ“ ტესტის ნეგატიური პასუხით ან საზღვარზე კოვიდვაქცინის სრული კურსის ჩატარების (ორი დოზა) დამადასტურებელი დოკუმენტის წარდგენით შეუძლიათ.

საქართველოს მოქალაქეებს კი, ლიეტუვის სახელმწიფოში შესვლისას, იმ პირობების გარდა, რასაც ქვეყნის მთავრობა ითხოვს, გამგზავრებამდე აუცილებლად შევსებული უნდა ჰქონდეთ სპეციალური PLF ფორმა ვებგვერდზე. პოლონეთის მთავრობა მგზავრებისთვის წინასწარი რეგისტრაციის შესავსებ სპეციალურ ფორმას არ ითხოვს. დეტალური ინფორმაცია საზღვრის კვეთასთან დაკავშრებით იხილეთ აღნიშნულ; ბმულზე.