მეცნიერებმა ობობის ქსელი მუსიკად თარგმნეს

მასაჩუსეტსის ტექნოლოგიური უნივერსიტეტის (MIT) მეცნიერებმა ობობის ქსელი მუსიკად თარგმნეს, ინფორმაციას CNN ავრცელებს.

როგორც მეცნიერები აცხადებენ, ეს მათ საშუალებას მისცემს, ობობებთან კომუნიკაცია შეძლონ.

მასაჩუსეტსის ტექნოლოგიური უნივერსიტეტის გუნდი ობობის ქსელის ორგანზომილებიანი ლაზერული სკანირების მისღებად ბერლინში მოღვაწე არტისტ ტომას სარაჩენოსთან ითანამშრომლეს. სკანირების შედეგად მიღებული მასალა მათემატიკურ მოდელად გადაკეთდა, რომელსაც ქსელის 3D შექმნა ვირტუალურ რეალობაში შეეძლო.

ისინი ვირტუალური ინსტრუმენტის შესაქმნელად MIT-ის მუსიკალურ განყოფილებასთან მუშაობდნენ.

„ობობის ქსელი ძალიან საინტერესო შინაგანი სტრუქტურის მატარებელია, რომელთა ვიზუალურად შემჩნევა და დანახვა მარტივია, თუმცა ადამიანის გონებას არ შეუძლია, ზუსტად ამოხსნას მასში დაფარული დეტალები“, განაცხადა MIT– ის ინჟინერიის პროფესორმა მარკუს ბუელერმა, რომელმაც თავისი ნაშრომი აშშ-ის ქიმიური საზოგადოების ვირტუალურ შეხვედრაზე ორშაბათს წარადგინა.

ვირტუალური სათვალის გამოყენებით და მუსიკის მოსმენით საშუალება გეძლევათ, უკეთ გაიაზროთ ობობის ქსელის სტრუქტურა და უკეთ გააცნობიეროთ, როგორ ხედავენ ობობები სამყაროს.

„ობობებს აქვთ ძალიან მგრძნობიარე ვიბრაციული სენსორები, ისინი იყენებენ ვიბრაციებს, როგორც ორიენტაციის, ისე სხვა ობობებთან კომუნიკაციის დროს. ობობებს შეუძლიათ თავიანთი ქსელის აშენება ხარაჩოებისა და საყრდენების გარეშე. ამიტომ მათი მუშობის ტექნიკის შესწავლამ შესაძლოა, მიგვიყვანოს ახალი 3D ბეჭდვის ტექნიკის განვითარებამდე.

დაკვირვების პროცესში, მეცნიერებმა დაასკანერეს ქსელი, რომელსაც ობობა აშენებდა.

დაასკანირეს ქსელი, როდესაც ობობა აშენებდა მას და შეადარა ის სიმებიან ინსტრუმენტს, რომელიც სტრუქტურის გართულებისთანავე იცვლება.

ბუელერის თქმით, მათ დააფიქსირეს ვიბრაციები, რომლებიც ობობებმა შექმნეს სხვადასხვა საქმიანობის დროს, როგორიცაა ქსელის აგება, სასიყვარულო სიგნალები და სხვა ობობებთან კომუნიკაცია. მეცნიერები  ამ ვიბრაციების სინთეზური ვერსიების შესაქმნელად იყენებენ ხელოვნურ ინტელექტს.

„ჩვენ ვიწყებთ იმის ალბათობის დაშვებას, რომ ობობის ენაზე ვისაუბროთ და გავაუმჯობესოთ ობობასთან კომუნიკაციის შესაძლებლობა“, – განაცხადა ბუელერმა.

ამ მიმართულებით სამუშაოები ჯერ კიდევ მიმდინარეობს. კველვა დროებით შეჩერებულია, რადგან კოვიდ-19-ის პანდემიის გამო, ლაბორატორიის დახურვამ მოუწიათ.

როგორც ბუელერი ამბობს, სამეცნიერო ღირებულების გარდა, კვლევა საინტერესოა მუსიკალური თვალსაზრისით, რადგან საზოგადოებას საშუალება ეძლევა, მოუსმინოს მელოდიას, რომელსაც ობობა ქსელის მშენებლობის დროს წერს.  

„ეს კომპოზიცია ნამდვილად არაჩვეულებრივია, ცოტა საშიშიც, მაგრამ ძალიან ლამაზი“, – ამბობს ბუელერი.