KNIGHT AUDIO– ხმის ჩამწერი სტუდია, რომელიც თქვენი მუსიკალური ოცნებების ასრულებაზე ზრუნავს. მუდმივად ზრუნავს განვითარებაზე და ორიენტირებულია, მომხმარებლებს ხარისხიანი მომსახურება შესთავაზოს.
მისი დამფუძნებელი პოლ ქეისია, რომელიც Venue.ge-ისთან ინტერვიუში გვიყვება, როგორ დაიწყო კამერუნში დაარსებულმა კომპანიამ ოპერირება ქართულ ბაზარზე.
სტუდია 2012 წელს კამერუნში დაარსდა, თუმცა იმ დროს განსხვავებული სახელით ოპერირებდა. 2018 წელს ფუნქციონირება თბილისში განაგრძო და სწორედ ამ დროიდან ეწოდება KNIGHT AUDIO. მისი დამაარსებელია პოლ ქეისი და პარტნიორობს IDENTIFY STUDIO-სთან. ეს ორი კომპანია აწარმოებს აუდიო და ვიდეოპროდუქციას.
რა სერვისებს სთავაზობს თქვენი სტუდია მომხმარებლებს?
მომხმარებელს რამდენიმე სახის მომსახურებას ვთავაზობთ, მათ შორის: სრული ვიდეო/აუდიო მომსახურება, მუსიკის ჩაწერა, მუსიკის მიქსი, მუსიკის მასტერინგი, პროდაქშენი, ხმის დიზაინი,ონლაინინჟინერია.
რა პრობლემების წინაშე აღმოჩნდით პანდემიის პერიოდში?
ძირითადი პრობლემა იყო ფინანსები. კლიენტები თანხის გადახდას ვერ ახერხებდნენ, რადგან პანდემიის პერიოდში, ცხადია, ერჩივნათ, დაეზოგათ. ამიტომ მომხმარებლების რაოდენობა მკვეთრად იყო შემცირებული.
დაინტერესებული თუ ხართ ცნობილ არტისტებთან კოლაბორაციით?
რა თქმა უნდა, დაინტერესებული ვარ მათთან კოლაბორაციით და ყოველთვის მზად ვართ ამისთვის.
რა არის თქვენი სტუდიის მიზნები?
ჩვენი სტუდიის მიზანია განვითარება, უფრო მეტი მუსიკალური ჟანრისა და კულტურის გაცნობა. საინტერესო და ნიჭიერი მუსიკოსების აღმოჩენა მთელი მსოფლიოს მასშტაბით.
რას ფიქრობთ ქართულ მუსიკალურ ინდუსტრიაზე?
ვფიქრობ, რომ ქართველებს ძალიან კარგი მუსიკალური გემოვნება აქვთ, მაგრამ გულახდილად რომ გითხრათ, მუსიკალური სისტემა კარგად ორგანიზებული არ არის. თუმცა ქართული ფოლკლორული მუსიკის ინსტრუმენტები, უშუალოდ მუსიკა მოსასმენად ძალიან სასიამოვნოა და მუსიკოსებიც შესანიშნავად ასრულებენ სხვადასხვა კომპოზიციას.
რას ურჩევდით ახალგაზრდებს, რომლებსაც მუსიკალურ ინდუსტრიაში ბიზნესის დაწყება სურთ?
ამ სფეროში გამოცდილება ძალიან მნიშვნელოვანია, თუმცა ეს დროთა განმავლობაში მოდის. მუსიკალურ ინდუსტრიაში ფეხის შედგმა ერთია, ხოლო უშუალოდ აუდიოინჟინერია მთლიანად ცვლის შენს მუსიკალურ იდეებს. იპოვე ის, რის გამოც შეგიძლია, მოკვდე და ნება მიეცი მას, მართოს შენი ცხოვრება.
Loading…