საქართველოდან მიგრანტთა რაოდენობა შემცირდა

სტატისტიკის ეროვნული სამსახურის მონაცემებზე დაყრდნობით, 2020 წელს ემიგრანტების რიცხვი 74 264 ადამიანს ითვლიდა, რაც 2019-თან შედარებით, 29.3%-ით ნაკლებია.

გარდა ამისა, 2019 წლის მონაცემებთან შედარებით, 7.1 პროცენტით შემცირებულია იმიგრანტების რიცხვიც, კერძოდ – 89 996 კაცს შეადგენს.

აშკარაა, რომ მიგრაციული სალდოს მაჩვენებელი 2020 წელს გაცილებით უკეთესი იყო. ქვეყნიდან 15 732 ემიგრანტით ნაკლები გავიდა, ვიდრე იმიგრანტი შემოვიდა.