10-12 ივნისს ღვინისა და ალკოჰოლური სასმელების მეთოთხმეტე საერთაშორისო გამოფენა გაიმართება

ღვინისა და ალკოჰოლური სასმელების მეთოთხმეტე საერთაშორისო გამოფენა 10-12 ივნისს ექსპოჯორჯიაში გაიმართება.

ღონისძიება საქართველოს ღვინის ეროვნული სააგენტოს მხარდაჭერით ტარდება. ღვინისა და ალკოჰოლური სასმელების საერთაშორისო გამოფენა – WINEXPO GEORGIA – ერთადერთი B2B ღონისძიებაა საქართველოში, რომელიც წარმოგიდგენთ ღვინის ინდუსტრიის, პროდუქციის, ღვინის დამზადების ტექნოლოგიებისა და სერვისების სრულ ასორტიმენტს.

WinExpo Georgia 2022 უმასპინძლებს:

✓ ღვინის ექსპორტის B2B ფორუმს, რომელიც ქართველ მწარმოებლებსა და უცხოელ ექსპორტიორებს შორის პარტნიორული ურთიერთობების წახალისებას ისახავს მიზნად;

✓ ღვინის აგენტებს, თრეიდერებს, სასტუმროებისა და რესტორნების წარმომადგენლებს, საშუალო და მსხვილ სავაჭრო ქსელებს, საერთაშორისო მედიას;

✓ და ბოლოს, ღვინის ყველა მოყვარულს, რომელსაც სურს, დააგემოვნოს სუკეთესო ღვინო და ალკოჰოლური სასმელები, შეხვდეს მეღვინეებს, გაეცნოს დარგის სიახლეებსა და ინოვაციებს.

ადგილზე დაგხვდებათ:

• ღვინო და ალკოჰოლური სასმელები

• ინგრედიენტები და დანამატები

• შესაფუთი მასალები

• სასუქები

• მევენახეობა-მეღვინეობის მანქანა-დანადგარები

• სანერგეები

• მინა და მინის ნაწარმი

• აქსესუარები

• სერვისები

გამოფენაზე შესვლის ღირებულებაა 15 ლარი. ყველა სტუმარი საჩუქრად მიიღებს ღვინის ჭიქას.