ამ სიახლისთვის მომზადება ნამდვილად გვჭირდება, რადგან ძალიან მალე, კავკასიაში პირველი Drive in კინოთეატრი საქართველში გაიხსნება.
„მოკლედ, მოხვალთ ჩვენთან, მოკალათდებით თქვენს საყვარელ მანქანაში. ჩვენ, რა თქმა უნდა, ჩვენი მხრიდან არ მოგაკლებთ საუკეთესო ფილმებს, იდეალურ ხარისხს, ოჯახურ გარემოსა და გემრიელობებს“, – ვკითხულობთ MovieLand ფეისბუქ გვერდზე.
ალბათ, ჰოლივიდური ფილმებიდან სცენარი უკვე გეცნობათ. ახლა კი, სიუჟეტის გაცოცხლება რეალურ ცხოვრებაში შეგვეძლება.
პროექტის ზუსტი ლოკაცია ჯერჯერობით ცნობილი არ არის, თუმცა უკვე ვიცით რომ პირველი Drive in კინოთეატრი ქალაქ თბილისში გაიხსნება.
„ბოლო დეტალებზე ვართ, წვრილმანი რაღაცები გვაქვს დარჩენილი. ორი ლოკაციიდან ერთ-ერთი უნდა ავირჩიოთ. იდეა თითქმის ერთი წელია გვაქვს, მაგრამ პანდემიის პირობებში უფრო სერიოზულად შევხედეთ საკითხს. მოლოდინებს რაც შეეხება, გვინდა რომ ჩვენი აუდიტორია გვყავდეს და სტაბილურად გავაშუქოთ სეანსები. იმედია, ამ ეტაპზე თბილისელების და შემდეგ უკვე სრულიად საქართველოს საყვარელი ადგილი გავხდებით“, – განაცხადა Movieland-ის წარმომადგენელმა Venue.სთან საუბარში.
Loading…