სანამ HBO Max-ზე ზაკ შნაიდერის ექვსსაათიან Justice League-ს ვიხილავთ, შეგვიძლია გადავხედოთ იმ ფილმების სიას, რომელთა ნახვაც უკვე შესაძლებელია სტრიმინგ სერვისზე.
An American Pickle
მოგეწონებათ თუ არა ეს ფილმი, სავარაუდოდ, დამოკიდებულია იმაზე, თუ რამდენად ეტრფით სეტ როგენს. ფილმში სეტის პერსონაჟი ქარხანაში იწყებს მუშაობას და მისი თავგადასავალიც აქედან იწყება. მოქმედება მეოცე საუკუნის დასაწყისში ვითარდება.
Unpregnant
ფილმში მთავარ როლებს ჰეილი ლუ რიჩარდსონი და ბარბი ფერეირა თამაშობენ. ნაწარმოები ორ საუკეთესო მეგობარზე და მათ თავგადასავალზეა.
Charm City Kings
ფილმში ახალგაზრდა და მაყურებლისთვის შედარებით ნაკლებად ცნობილი მსახიობები მონაწილეობენ. მასში აღწერილია ბალტიმორის ახალგაზრდა მოტომრბოლელების ცხოვრება, რომლებიც შესანიშნავი ნიჭით არიან დაჯილდოებული. კრიტიკოსების აზრით, შემქმნელებმა ფილმის პოტენციალი ბოლომდე არ გამოიყენეს, თუმცა ნამდვილად შთამბეჭდავი სურათი გამოვიდა.
The Witches (2020)
ეს ფილმი „არისტოკრატული სიახლეა“. თუ რობერტ ზემეკისისა და ენ ჰეტევეის ნამუშევრები გაინტერესებთ, ეს ფილმი თქვენთვისაა. სურათი 1990 წლის ფილმის რიმეიქია იმავე სათაურით, თუმცა არანაკლებ შესანიშნავი.
Let Them All Talk
პოსტერიდანვე მიხვდებით, რომ ამ ფილმის მთავარ როლში ყველასთვის ცნობილი და საყვარელი მერილ სტრიპია. ის სტივენ სოდერბერგის კომედიაში ექსცენტრიკული მწერლის როლს ასრულებს. ფილმში აღწერილია პულიცერის პრემიის მფლობელი ავტორის, ალის ჰიუჯის სირთულეებით აღსავსე ცხოვრება.
Locked down
ენ ჰეტევეი და ჩიუტელ ეჯიოფორი ამ რომანტიკულ კომედიაში მთავარ როლებს ასრულებენ. ფილმი პანდემიის დროინდელი შეზღუდვების შედეგად აღმოცენებულ რეალობაში დაიწერა და მალევე დიდ ეკრანებზე გამოჩნდა. სურათში აღწერილია, თუ როგორ ცდილობენ მთავარი პერსონაჟები ლონდონის ერთ-ერთი ძვირადღირებული მაღაზიის გაქურდვას.
Loading…