ოლგა პიტერსი სტალინის ქალიშვილის, სვეტლანა ალულიევასა და მისი მესამე მეუღლის, არქიტექრტორ უილიამ ვესლი პიტერსის ერთადერთი საერთო შვილია. ამბობენ, რომ თვალებით ბაბუას ჰგავს, მაგრამ პანკ-როკის სტილი, ბევრი ტატუ და პირსინგი ნამდვილად ამერიკულია.
ოლგა პიტერსი 44 წლის არის და კრის ევანსის სახელით არის ცნობილი. თავს ბუდისტად მიიჩნევს და ანტიკური ნივთების მაღაზიის მეპატრონეა. ალბათ, საინტერესოა, რას ფიქრობს კრისი ცნობილ ბაბუაზე. Express UK-სთან საუბრისას ერთ-ერთ ინტერვიუში განაცხადა, რომ სტალინი მისთვის ერთ-ერთია იმ სამი ადამიანიდან, რომელმაც მეორე მსოფლი ომში გამარჯვება მოიპოვა.
„ერთხელაც დედამ მთხოვა, მისთვის მომესმინა. სწორედ მაშინ გავიგე, ვინ იყო სტალინი სინამდვილეში და რა დანაშაულები უკავშირდებოდა მის სახელს“.
1929 წლიდან 1953 წლამდე სტალინის სასტიკი რეჟიმის გამო, მილიონობით ადამიანი დაიღუპა. მან საბჭოთა კავშირი სამხედრო ზესახელმწიფოდ აქცია და ქვეყანას „რკინის მუშტით“ მართავდა.
„დედაჩემი მთელი ცხოვრების განმავლობაში ცდილობდა, იმ გავლენის გარეშე ეცხოვრა, რომელიც სტალინის სახელს უკავშირდებოდა და ჩვენთვის ნორმალური ცხოვრება შეექმნა. რა თქმა უნდა, გმობდა ყველაფერს, რაც მან ჩაიდინა, მაგრამ იყო პერიოდი, როდესაც უამრავი ადამიანი მას აკისრებდა პასუხისმგებლობას მამამისის ქმედებებისთვის და ზოგჯერ თვითონაც ფიქრობდა, რომ ეს ყველაფერი მართალი იყო. ჩემი აზრით, ეს დიდი უსამართლობაა“ – განაცხადა მან Daily Mail-თან ინტერვიუში.
ევანსი ყოველთვის სიყვარულით ლაპარაკობს დედაზე და ამბობს, რომ ის მისით ყოველთვის ამაყობდა, მაშინაც კი, როდესაც ვერაფერს მიაღწია.
„ის უპირობო სიყვარული, რომელსაც დედისგან ვგრძნობდი, არავისგან მიგრძვნია და სითბო, რომელიც მთელი ცხოვრების განმავლობაში მემახსოვრება ერთადერთია, რასაც ყველა ადამიანში ვეძებ“ – ამბობს ევანსი.
სვეტლანა ალულიევა 2011 წელს 85 წლის ასაკში სიმსივნით გარდაიცვალა.
მასალა მოამზადა ფატი გუგბერიძემ
Loading…