კორეის კვლევების აკადემიის სასტიპენდიო პროგრამა გამოცხადდა

კორეის კვლევების აკადემიის სასტიპენდიო პროგრამა -AKS Graduate Fellowship-ი გამოცხადდა. პროგრამის ფარგლებში სტუდენტებს, რომლებიც მუშაობენ კორეის კვლევების მიმართულებით, შესაძლებლობა აქვთ, 6 თვის განმავლობაში კვლევითი საქმიანობა კორეის რესპუბლიკაში განახორციელონ.

კონკურსში მონაწილეობის წინაპირობები:

აპლიკანტი უნდა აკმაყოფილებდეს ჩამოთვლილთაგან ერთ-ერთ პირობას:

• უნდა ირიცხებოდეს სამაგისტრო ან სადოქტორო პროგრამაზე;
• დასრულებული უნდა ჰქონდეს სამაგისტრო პროგრამის სასწავლო კურსი, ამჟამად მუშაობდეს სადიპლომო ნაშრომზე და ჰქონდეს ABD (All But Dissertation) სტატუსი;
• სამეცნიერო თემა უნდა ეხებოდეს კორეას/კორეასთან დაკავშირებულ კვლევებს.

სტიპენდია მოიცავს:

• ყოველთვიური სტიპენდიას 660 დოლარის ოდენობით;
• ორმხრივ ავიაბილეთებს;
• კამპუსის საცხოვრებელში განთავსებას;
• კორეული ენის უფასო კურსებს.

სტიპენდიის პერიოდი: 1-ლი სექტემბერი, 2021 – 28 თებერვალი, 2022 (6 თვე)

პროგრამაში მონაწილეობის მსურველებმა უნდა შეავსონ ელექტრონული აპლიკაცია.

განაცხადების წარდგენის პერიოდია: 19 აპრილი, 2021 წ., 10:00-დან –14 მაისი, 2021 წ., 17:00 საათამდე (კორეის დროით)

დამატებითი ინფორმაციისა და აპლიკაციაში ასატვირთი დოკუმენტების სიის სანახავად გთხოვთ ეწვიოთ ბმულს.