პლასტიკური და რეკონსტრუქციული ქირურგი საშა კალანტაროვი ონკოპაციენტ ქალებს უნიკალურ შესაძლებლობას აძლევს. წინასაახალწლოდ ერთ მათგანს სრულიად უსასყიდლოდ გაუკეთებს მოკვეთილი მკერდის რეკონსტრუქციას.
„ბევრი ვიფიქრე, რა საჩუქარი შემეძლო, გამეკეთებინა თქვენთვის საახალწლოდ. ჯერ მამოპლასტიკის გათამაშებაზე ვფიქრობდი, მერე – რინოპლასტიკის ჩუქებაზე. თუმცა საბოლოოდ მივხვდი, რომ სჯობდა, შესაძლებლობა მიმეცა ონკოპაციენტი ქალბატონებისთვის, რომლებსაც სიმსივნის გამო, რადიკალური მასტექტომიის გაკეთება მოუწიათ, სურთ მოკვეთილი მკერდის აღდგენა, თუმცა ამის ფინანსური რესურსი არ აქვთ.
სწორედ ამიტომ, ჩემს გუნდთან ერთად, საახალწლოდ შევარჩევ ერთ ქალბატონს და შემდგომ სრულიად უსასყიდლოდ გავუკეთებ მკერდის რეკონსტრუქციის ოპერაციას.
ექსპანდერს/სილიკონის იმპლანტებს უზრუნველყოფს ჩვენი პარტნიორი სამედიცინო კომპანია 4Hospitals, POLYTECH ბრენდის იმპლანტების ექსკლუზიური დისტრიბუტორი საქართველოში“, – აცხადებს საშა კალანტაროვი.
ეს არის საკმაოდ რთული ოპერაცია და მის ჩასატარებლად აუცილებელია შესაბამისი სამედიცინო ჩვენება, ამიტომ შერჩევის პროცესი რამდენიმე ეტაპად დაიგეგმა და საბოლოოდ შეირჩა ექვსი ქალი, რომელთა ორგანიზმიც მზად არის ამ ოპერაციისთვის.
„ბევრი ვიფიქრეთ, რა პრინციპით გამოგვევლინა გამარჯვებული. ჩვენი მთავარი მიზანი იყო, პროცესი ყოფილიყო გამჭვირვალე, რათა არც ერთ მათგანს არ ჰქონოდა არაობიექტურობისა და უსამართლობის განცდა. ექვსივე მათგანის ორგანიზმი მზად არის ამ ოპერაციისთვის, ამიტომ ერთი მათგანის გამორჩევა ჩვენთვის რთული აღმოჩნდა. სწორედ ამიტომ, გადავწყვიტეთ და გამოვაქვეყნეთ პატარა ვიდეოები, სადაც ეს ქალბატონები თავად გიამბობენ თავიანთ ისტორიებს და თქვენ შესაძლებლობა გაქვთ, მოწონების ღილაკზე თითის ერთი დაჭერით შეცვალოთ მათი ცხოვრება.
პარასკევს, 24 დეკემბერს დაიდო ექვსივე ვიდეო და 30 დეკემბრის 18:00 საათამდე, საშუალება გექნებათ, დაუჭიროთ მხარი თქვენს რჩეულს. გამარჯვებული იქნება ის, ვისი ვიდეოც ყველაზე მეტ რეაქციას დააგროვებს. თუ გინდათ, რომ დაეხმაროთ თქვენს რჩეულს.
ვიდეოებში არ ჩანს ამ ქალბატონების სახეები. თქვენ მხოლოდ გამოსახულებას დაინახავთ და მათ ხმებს მოისმენთ. გამარჯვებულის გამოვლენის შემდეგ კი მისი ვინაობა ყველასთვის ცნობილი გახდება.
კიდევ ერთხელ მსურს, ხაზი გავუსვა, რომ ამ შემთხვევაში ორიენტირებული ვარ მხოლოდ პაციენტზე და არ ვითხოვ ჩემი გვერდის დალაიქებას, ერთადერთი პირობა არის კონკურსანტის ვიდეოს მოწონება“, – ამბობს საშა კალანტაროვი.
თქვენ კი, შეგიძლიათ, მოისმინოთ თითოეულის ისტორია და დაეხმაროთ გამარჯვებაში. ამისათვის აუცილებელია, შეხვიდეთ საშა კალანტაროვის ფეისბუქ გვერდზე, გახსნათ ვიდეო და დაალაიქოთ.
Loading…