Amazon Web Services (AWS)-მა განმარტა Cloud-ის როლის შესახებ, თუ რა მნიშვნელობა აქვს პროცესების მართვასა და მონაცემების გამოგზავნას მარსიდან დედამიწაზე.
მისიის გუნდი ყოველდღიურად ასობით სურათს იღებს მარსიდან, რომელიც ასახავს Perseverance-ის ყოფნას სხვა პლანეტაზე. Cloud-ის დახმარებით კი, NASA Jet Propulsion Lab-ი ინახავს, ამუშავებს და ანაწილებს მონაცემთა დიდ მოცულობას.
AWS-ის თქმით: „მოწყობილობისთვის, რომელიც მარსზე დახეტიალობს, აუცილებელია ხილვადობა, რომ გუნდმა მიიღოს ზუსტი მონაცემები შემდგომი ინსტრუქციების გასაცემად დროის კონკრეტულ პერიოდში. მეტი ეფექტურობა Mars 2020-ის მისიას მისცემს საშუალებას სრულყოფილად შეასრულოს დასახული ამბიციური მიზნები – შეაგროვოს ინფორმაციები, მეტი დრო გაატაროს პოზიცაზე, წინა „მოხეტიალეებთან“(rovers) შედარებით.“
მარსის Perseverance-ი იკვლევს პლანეტის გეოლოგიას და ეძებს უძველესი ცხოვრების ნიშნებს. მისია 30 ივლისს გამოჩნდა და ქვებსა და მიწას შეაგროვებს, რათა მომავალში დედამიწაზე გამოაგზავნონ. გარდა ფიზიკური მასალებისა, Perseverance-ი მოხეტიალე სმარტფონია, სენსორებით, კამერებითა და მიკროფონებით, რომელიც მონაცემებს აგროვებს.
და მაინც, რაში სჭირდება NASA-ს მიკროფონები?
სენსორები შეინახავენ ისეთ ინფორმაციას, როგორებიცაა – ატმოსფერო, ქარის სიჩქარე, ამინდი. მიკროფონები კი შეაგროვებენ პლანეტის ხმებს, რომლებსაც ტექნოლოგიების დახმარებით საზოგადოებაც მოსიმენს. AWS-ის საშუალებით შესაძლებელია მარსის 3D-ში ხილვა Perseverance-დან.
აქვე უნდა აღინიშნოს, რომ AWS-ის როლი NASA-ს მისიის შესრულებაში, დაკავშირებულია ამაზონის ყოფილ აღმასრულებელ დირექტორთან – ჯეფ ბეზოსთან და მის კოსმოსურ კომპანიასთან – Blue Origin.
მოამზადა მარიამ ტაბაღუამ
Loading…