Covid-19-თან ბრძოლისათვის საქართველოში pfizer-ის ვაქცინა შემოვიდა. 15 მარტიდან დღემდე მედპერსონალი AstraZeneca-ს პრეპარატით იცრებოდა.
აღსანიშნავია, რომ Pfizer-ის ვაქცინას საქართველო ამერიკის შეერთებული შტატებიდან UNICEF-ის დახმარებით მიიღო.
საწყის ეტაპზე 30 ათასამდე დოზაა გათვალისწინებული, რომელიც მოგვიანებით კვლავ შეივსება.
Pfizer-ის ვაქცინა აუცილებლად -80 გრადუსზე უნდა იყოს შეინახული. სპეციალური პირობებით აღჭურვილი საწყობები დიდ ქალაქებში – თბილისში, ქუთაისსა და ბათუმშია განლაგებული. მაცივრიდან გამოღებისას პრეპარატის სამედიცინო დაწესებულებამდე ტრანსპორტირება მშრალი ყინულის დახმარებით მოხდება. -80 გრადუსიანი მაცივრიდან გამოღების შემდეგ Pfizer-ი მაქსიმუმ ხუთი დღის ვადაში უნდა გაკეთდეს, შემდეგ ის ფუნქციას დაკარგავს.
უნდა აღვნიშნოთ, რომ 25 მარტიდან ვაქცინაციის პროცესში, სამედიცინო პერსონალთან ერთად, 65 წელს გადაცილებული პირებიც ჩაერთვებიან.
მოქალაქეებს არჩევანის საშუალება მიეცემათ, ისინი თავად ამოირჩევენ AstraZeneca-სა და Pfizer-ს შორის რომელიმეს.
ამავე თემაზე: COVID-ვაქცინა AstraZeneca თბილისშია!
Loading…