ქართველ სტუდენტებს რუმინული კომპანია ანაზღაურებადი სტაჟირების შესაძლებლობას აძლევს

საქართველოს ეკონომიკისა და მდგრადი განვითარების სამინისტრო  საბაკალავრო საფეხურის მე-2, მე-3, მე-4  ან  სამაგისტრო კურსის სტუდენტებს ნავთობისა და გაზის, მექანიკური და ელექტრო ინჟინერიის, გეოლოგიის, ენერგეტიკის, ეკონომიკისა და საერთაშორისო ურთიერთობების მიმართულებით ევროპის ერთ-ერთ უმსხვილეს რუმინულ  ენერგოკომპანიაში 2-თვიანი ანაზღაურებადი სტაჟირების შესაძლებლობას აძლევს. სტაჟირების პერიოდი – მიმდინარე წლის  ივლისი-აგვისტო.

კონკურსში მონაწილეობის მსურველ კანდიდატს მოეთხოვება:

–          ჩაბარებული სასწავლო გამოცდების 100%-იანი მაჩვენებელი;

–          თითოეულ ჩაბარებულ გამოცდაში  არანაკლებ 8/80/B  ქულა;

–          მაღალი მოტივაცია, გუნდური მუშაობის უნარი, მიზანსწრაფულობა, შედეგზე ორიენტირებულობა,  მაღალი პასუხიმგებლობა და ციფრული უნარები;

–          ინგლისური ენის C1 დონეზე ცოდნა.

კონკურსში მონაწილეობის მსურველებმა ქვემოთ ჩამოთვლილი დოკუმენტები უნდა წარმოადგინონ ინგლისურ ენაზე:

–          CV

–          სამოტივაციო წერილი;

–          სარეკომენდაციო წერილი უნივერსიტეტიდან, გაცემული აკადემიური პერსონალის მიერ;

–          აკადემიური მოსწრების ფურცელი (სრული).

კანდიდატები შეირჩევიან ინგლისურენოვანი  წერითი დავალებით და გასაუბრებით.

პროგრამა დაფინანსებულია ენერგოკომპანიის მიერ. დაფინანსება მოიცავს სტიპენდიას, მგზავრობის და დაზღვევას.

დაინტერესებულმა პირებმა მითითებული დოკუმენტაცია უნდა გაგზავნონ მიმდინარე წლის 29 აპრილის ჩათვლით ელ. ფოსტაზე: [email protected] .

დაუკავშირდებიან მხოლოდ შერჩეულ კანდიდატებს.