ილია ვეკუას სახელობის ფიზიკა-მათემატიკის სკოლის სამი მოსწავლე NASA-ში გაემგზავრება. ამის შესახებ ინფორმაციას სკოლა ფეისბუქ გვერდზე ავრცელებს.
ნიკოლოზ ნასყიდაშვილმა, ნიკოლოზ ლობჟანიძემ და ლუკა გაფრინდაშვილმა გაიმარჯვეს რობოტების ჩემპიონატში, რომელიც საქართველოს უნივერსიტეტში მსოფლიო დონის ავიაინჟინრის, ალექსანდრე ქართველის მუზეუმის გახსნასთან დაკავშირებით ჩატარდა.
მოსწავლეები მენტორთან, ფიზიკის მასწავლებელ ნათია ჯანდაგაშვილთან ერთად, აშშ-ში, NASA-ში, სექტემბერში გაემგზავრებიან.
პროექტის ორგანიზატორები და სპონსორები არიან: UG -LIMES აკადემია, საქართველოს უნივერსიტეტი და “ალექსანდრე ქართველის ასოციაცია”.
Loading…