„მოდერნას“ განცხადებით, Covid-19-ის ვაქცინის კვლევაში მონაწილეობას ბავშვები მიიღებენ.
“KidCOVE” კლინიკურ გამოკვლევაში 6 თვიდან 11 წლამდე, 6,750 ბავშვია ჩართული კანადასა და შეერთებულ შტატებში. კვლევა ორ ნაწილადაა დაყოფილი. პირველი ნაწილი ვაქცინის განსხვავებულ დოზას მოიცავს იმის დასადგენად, თუ რა ოდენობის დოზა გამოიყენონ კვლევის მეორე ნაწილში.
მეორე ნაწილი პლაცებო ჯგუფს მოიცავს. კვლევის შესახებ პრესრელიზში ნათქვამია, რომ ვაქცინის ეფექტურობა დაცვის კორელაციის მიღწევის შემთხვევაში დადგინდება. მეორე ვაქცინის შემდეგ, ბავშვებს წელიწადში ერთხელ გააკონტროლებენ.
„მოხარული ვართ, რომ mRNA-1273– ის 2/3 ფაზაზე აშშ – სა და კანადაში ჯანმრთელ ბავშვებში კვლევა დავიწყოთ“
თქვა სტეფან ბანცელმა, Moderna– ს აღმასრულებელმა დირექტორმა
ვაქცინების გამოსაცდელად კვლევაში ბავშვებს სხვა კომპანიებიც ჩართავენ. Pfizer– მა CNN– ს განუცხადა, რომ Covid-19-ის ვაქცინის საცდელი ვერსია 12 – დან 15 წლამდე ასაკის ბავშვებს მოიცავს. კვლევაში 2 259 ადამიანი მონაწილეობდა. Pfizer– ის ამჟამინდელი ვაქცინა აშშ – ს სურსათისა და წამლის ადმინისტრაციის მიერ დაშვებულია და მისი გამოყენება 16 წლის ან უფროსი ასაკის ადამიანებს შეუძლიათ.
Loading…