ვაშინგტონის უნივერსიტეტის სამედიცინო სკოლის კვლევის თანახმად, COVID-19, შესაძლოა, გულს პირდაპირ უტევდეს.
მეცნიერებმა, კორონავირუსით გარდაცვლილი პაციენტების აუტოფსიის შედეგად, დაადგინეს, რომ ვირუსს გულის კუნთის უჯრედების დაინფიცირება შეუძლია. შედეგად კი, ეს გულის შეკუმშვის პრობლემებს იწვევს.
„პანდემიის დაწყებისას ჩვენ უკვე გვქონდა იმის მტკიცებულება, რომ კორონავირუსს ჯანმრთელ ადამიანებში გულის უკმარისობის ან მისი დაზიანების გამოწვევა შეუძლია, რაც კარდიოლოგებისთვის შემაშფოთებელი აღმოჩნდა.“
კორი ლავინი, ვაშინგტონის უნივერსიტეტის კარდიოლოგი და იმუნოლოგი
ამ აღმოჩენით დადგინდა, რომ კორონავირუსი გულის უჯრედებს აზიანებს და ეს არ არის ორგანიზმის იმუნური რეაქციით გამოწვეული.
ამ პრობლემის ამომწურავად გაგებისთვის ჯერ კიდევ ბევრი სამუშაოა შესასრულებელი, თუმცა ეს კვლევა კორონავირუსის ორგანიზმზე ზემოქმედების უკეთ გაგების საკითხში წინ გადადგმული ნაბიჯია.
წყარო: futurism.com
ამავე თემაზე:
როგორ განვიკურნოთ Covid19-ით გამოწვეული „მასობრივი ტრავმისგან“?
Loading…