გენის „ჩანაცვლებამ“, შესაძლოა, ტკივილის შეგრძნება შეამსუბუქოს – უნიკალური აღმოჩენა

კალიფორნიის უნივერსიტეტის მკვლევრებმა ქრონიკული ტკივილის შემამსუბუქებელ შესაძლო მეთოდს მიაკვლიეს, ეს არის, CRISPR თერაპიის გამოყენებით, გენის დროებითი ჩანაცვლება.

ნაშრომის მიხედვით, SCN9A გენის მოდიფიკაციას ტკივილის შემსუბუქება შეუძლია. ჟურნალ Science Translational Medicine-ის ახლახან გამოქვეყნებულ სტატიაში ვკითხულობთ, რომ გუნდმა ცდა თაგვებზე ჩაატარა. მათ, ტრადიციული მეთოდით, თაგვების SCN9A გენები დროებით შეცვალეს.

კვლევებმა აჩვენა, რომ შეცვლილი გენით ტკივილი თაგვებს უფრო ხანგრძლივი პერიოდის განმავლობაში შეუმსუბუქდათ.

Ana Moreno-ს თქმით, რომელიც ცდის ერთ-ერთი მკვლევარია, ეს არ ნიშნავს, რომ ადამიანის ორგანიზმიც მსგავს შედეგს უჩვენებს; თუმცა იგეგმება ცდების სხვა ცხოველებშიც ჩატარება, კვლევის უკეთესად წარმართვისთვის.