ფრანგული განათლების სისტემა მსოფლიოში ერთ-ერთი საუკეთესოა. ამასთანავე, საფრანგეთი ბევრ კარგ შესაძლებლობას სთავაზობს საერთაშორისო სტუდენტებს.
საფრანგეთს სწავლის დაბალი საფასური და გამორჩეულად ბევრი საერთაშორისო სტიპენდია აქვს, რომლებზეც განაცხადის გაკეთება ნებისმიერი ეროვნების სტუდენტს შეუძლია.
გთავაზობთ, 2021 წლის საფრანგეთის ტოპ 10 სასტიპენდიო პროგრამას:
Eiffel Excellence Scholarships
2021 წლის ეიფელის ბრწყინვალების სასტიპენდიო პროგრამა არის ბაკალავრიატისა და მაგისტრის სტუდენტებისთვის. ეს სტიპენდია საერთაშორისო სტუდენტებისთვის სრულად დაფინანსებულია. სტუდენტები თავისუფლები არიან აკადემიური დარგების არჩევაში. საგულისხმოა, რომ განაცხადის შევსება უფასოა.
დამატებითი ინფორმაციისთვის ეწვიეთ ოფიციალურ ვებ-გვერდს.
ENS International Selection Scholarships
ENS საერთაშორისო სტიპენდია ჰუმანიტარული, ხელოვნებისა და მეცნიერების სამაგისტრო პროგრამის სტუდენტთათვის არის განკუთვნილი. სწავლის ხანგრძლივობა 3 წელია. სტიპენდიების ჯამური რაოდენობა ყოველ წელს 20-ია.
Ampere Scholarships of Excellence
Ampere-ს სტიპენდია ENS de Lyon-ის საერთაშორისო სტუდენტებისთვის არის განკუთვნილი. ENS de Lyon და მისი პარტნიორები სტიპენდიებს გამორჩეულ საერთაშორისო სტუდენტებს სთავაზობს ჰუმანიტარულ, ხელოვნებისა და სოციალური მეცნიერებების სამაგისტრო პროგრამებზე.
Emile Boutmy Scholarships at Sciences Po University
ამ სასტიპენდიო პროგრამაზე სტუდენტებს განაცხადის გაკეთება Po University-ის მეცნიერებების ფაკულტეტზე შეუძლიათ. არაევროპელ სტუდენტებს შეუძლიათ მიიღონ საბაკალავრო, სამაგისტროსა და პოსტ-სადოქტორო ხარისხი პარიზში.
Université Paris Saclay International Master’s Scholarships
ეს სტიპენდია 8+ უნივერსიტეტს აერთიანებს. ყველა აკადემიური კურსი არის ხელმისაწვდომი, კლინიკური სამედიცინო კურსის გარდა. სტიპენდიის მოცულობა 10 000 დოლარი არის, რომელიც უნივერსიტეტს ერიცხება.
MIEM Excellence Scholarship
ეს სტიპენდია პარიზში დაარსებული არის IdEx Université de Paris-ის მიერ. ამ სასტიპენდიო პროგრამას რეგისტრაციის საფასური არ აქვს. ნებისმიერი ეროვნების სტუდენტს შეუძლია განაცხადის გაკეთება MIEM Excellence Scholarship-ზე.
Grenoble Institute of Technology Foundation Scholarships
ეს სტიპენდია Grenoble Institute of Technology-ში სტუდენტებს სემესტრულად 5000 ევროს სთავაზობს. სწავლის ხანგრძლივობა 2 წელია. პროგრამა ინგლისურენოვანია.
INSEAD MBA Scholarships
INSEAD-ის სტიპენდია ბიზნესის ადმინისტრირების მაგისტრის ხარისხის მფლობელებისთვისაა. სტიპენდია 5000 დოლარიდან 25 000 დოლარამდე მერყეობს. ეს სტიპენდია, როგორც პროფესიულს, ისე პერსონალურ ცხოვრებისეული უპირატესობებს გთავაზობთ.
France Government Scholarship
ეს საფრანგეთში სრულად დაფინანსებული სამაგისტრო და სადოქტორო სასტიპენდიო პროგრამაა. განაცხადის გაკეთება ნებისმიერი ეროვნების სტუდენტისა და ნებისმიერი აკადემიური გამოცდილების მქონე სტუდენტებისთვის დასაშვები არის. საფრანგეთი ხელისუფლების ეს სტიპენდია საფრანგეთის ევროპისა და საგარეო საქმეთა სამინისტროს მიერ არის დაფინანსებული.
HEC Paris MBA Scholarships
HEC Paris MBA-ის სტიპენდია ნებისმიერი ეროვნების ადამიანისთვისაა ხელმისაწვდომი, სხვადასხვა აკადემიური გამოცდილებით. ამ სასტიპენდიო პროგრამას სხვადასხვა კატეგორიები აქვს: დამსახურებასა და საჭიროებაზე დაფუძნებული. სტიპენდიის მოცულობა 6000 ევროდან 24 000 ევრომდე მერყეობს.
წყარო: opportunitydesk.info
ამავე თემაზე:
საზღვარგარეთ სწავლის მსურველი საქართველოს მოქალაქეებისთვის სასტიპენდიო პროგრამები გამოცხადდა
აშშ-ის ტოპ 25 სასტიპენდიო პროგრამა საერთაშორისო სტუდენტებისთვის
Loading…